Շիրակի մարզի Թորոսգյուղ գյուղում կառուցված պասիվ արևային ջերմատան բացումը տեղի ունեցավ 2017թ. մարտի 6-ին: Ջերմատունը կառուցվել է «Կլիմայական ռիսկերի մեղմում. պասիվ արևային ջերմատուն» ՄԱԶԾ Ծրագրի շրջանակներում՝ Ռումինիայի կառավարության ֆինանսական աջակցությամբ:

Ջերմատան բացման արարողությանը մասնակցում էին ներկայացուցիչներ ՄԱԶԾ հայաստանյան գրասենյակից, ՀՀ-ում Ռումինիայի դեսպանատնից, «Բիոջեռուցման լուծումների հետազոտողներ» ՀԿ-ից, ինչպես նաև Սարապատ համայնքից: Ողջույնի խոսքով հանդես եկավ «Թորոս» սպառողական կոոպերատիվի նախագահ Միշա Հակոբյանը, ով շնորհակալություն հայտնեց դոնորներին Ծրագրի իրականացման համար: Նա նաև կարևորեց Ծրագիրը որպես կլիմայի փոփոխության հարմարվողականության միջոցառում: Բացման խոսքով հանդես եկան նաև ՄԱԶԾ մշտական ներկայացուցչի տեղակալ Դմիտրի Մարիյասինը և ՀՀ-ում Ռումինիայի դեսպանատան առաջին քարտուղար Սեզար Բիվոլարուն:

Պասիվ արևային ջերմատունը կապահովի եկամտի այլընտրանքային աղբյուր կլիմայի փոփոխության տեսանկյունից խոցելի ֆերմերների համար: Կլիմայական ռիսկերը Շիրակի մարզի սոցիալական և տնտեսական խնդիրների հետ մեկտեղ կարող է ունենալ ծայրահեղ բացասական ազդեցություն գյուղական բնակչության վրա, որը հիմնականում հիմնվում է գյուղատնտեսական արտադրանքի վրա: Այսպիսով, պասիվ արևային ջերմատան տեխնոլոգիան ընտրվել է, որպեսզի ցուցադրվի ֆերմերների եկամտի ներուժի զանազանումը և ապահովի այլընտրանքային եկամտի հնարավորություն: Ի հավելումն, այս տեխնոլոգիան ունի ինքնատիպ դիզայն, որն ապահովում է ջերմային մեկուսացման և արևի կողմից էներգիայի կուտակման բարձր մակարդակ՝ այսպիսով շուրջ տարի երաշխավորելով գյուղատնտեսական արտադրանք առանց հավելյալ ջեռուցման ծախսերի:

Բացման միջոցառումը լուսաբանվել է նաև Հ1 հեռուստաալիքի Օրակարգ հաղորդման շրջանակներում: Միջոցառման մասին տեղեկատվություն հասանելի է նաև հետյալ հղումներով՝ 

http://hetq.am/arm/news/76500/torosgyuxum-karucvel-e-pasiv-arevayin-jermatun.html