27 դեկտեմբերի 2019

«Եվրասիական տնտեսական միության երկրներում էներգիայի արդյունավետության խթանման կարգավորող շրջանակ» ՄԱԶԾ-ՌՏՀ ծրագրի շրջանակում Տրետուք գյուղի դպրոցում տեղադրվել են նոր էներգաարդյունավետ պատուհաններ: Գեղարքունիքի մարզում գտնվող սահմանամերձ այս գյուղի դպրոցի բարեկարգման նախագիծը ներկայացվել էր 2019-ին կայացած «Էներգաարդյունավետ դպրոց» էներգաարդյունավետության լավագույն նորարարական լուծումների մրցույթի ընթացքում: Հեղինակը՝ Մխիթար Հերացու անվան ավագ դպրոցի սաներն էին:

Մրցույթին մասնակցող թիմերը ներկայացրել էին իրենց դպրոցներում էներգաարդյունավետությունը խթանող լուծումներ: Մխիթար Հերացու անվան ավագ դպրոցի ներկայացուցիչները, սակայն, անդրադարձել էին Տրետուք գյուղի դպրոցում առկա խնդիրներին: Չնայած՝ նախագիծը հաղթող չէր ճանաչվել՝ կազմակերպիչների կողմից որոշում կայացվեց այն իրականացնել բացառության կարգով: Արդյունքում, 70 աշակերտի համար նախատեսված դպրոցի երկրորդ հարկի բոլոր լսարաններում հին փայտե պատուհանները փոխարինվեցին երկշերտ ապակեպատմամբ մետաղապլաստե պատուհաններով. ընդհանուր թվով 13 պատուհան, 46.42 քմ: 

Դեկտեմբերի 27-ին մրցույթին մասնակցած դպրոցականների թիմը ծրագրի ներկայացուցիչների հետ միասին այցելել է Տրետուք, ծանոթացել հասակակիցների հետ և գնահատել կատարված աշխատանքների արդյունքները:Միջոցառման ընթացքում Տրետուքի դպրոցականներին հանձնվեցին հուշանվերներ և ներշենքային էներգաարդյունավետության բարձրացման վերաբերյալ գրքույկներ:

Հիշեցնենք, որ «Էներգաարդյունավետ դպրոց» էներգաարդյունավետության լավագույն նորարարական լուծումների մրցույթի նպատակն էր խթանել աշակերտների հետաքրքրությունը էներգաարդյունավետության նորարար լուծումների հանդեպ և խրախուսել դրանց կիրառումը՝ համախմբելով աշակերտների և ուսուցիչների ջանքերը:

2019-ի մայիսին կայացած եզրափակիչ փուլին մասնակցեցին «Կլիմայի փոփոխության վերաբերյալ կրթության և իրազեկվածության բարձրացման Կլիմայական արկղիկ» ՄԱԶԾ ծրագրում ներառված Երևանի և մարզերի 6 դպրոցի սաներ։ Էներգետիկայի և կրթության ոլորտը ներկայացնող հանձնաժողովի գնահատման արդյունքում մրցույթի հաղթող ճանաչվեցին Արարատի մարզի Այնթապի Բ. Մարգարյանի անվ. թիվ 2 միջնակարգ դպրոցի սաները՝ «Արևի նվերը» և Բյուրեղավանի Ս.Վարդանյանի անվան ավագ դպրոցի սաները՝ «Օդային արևային կոլեկտոր» նախագծերով:

Հաղթող նախագծերի իրականացման աշխատանքները գտնվում են ավարտական փուլում:

ՄԱԶԾ հայաստանյան գրա­սենյակի կողմից իրականացվող, Ռուսաստանի Դաշնության և ՄԱԶԾ «Զարգացման տրաստային հիմնա­դրամի» կողմից ֆինանսավորվող «Եվրասիական տնտեսական միության երկրներում էներգիայի արդյունավետության խթանման կարգավորող շրջանակ» երկամյա ծրագիրն ուղղված էր ԵԱՏՄ երկրներում, մասնավորապես՝ Հայաստանում, Ղրղզստանում, Ղազախստանում և Բելառուսում, էներգա­արդյու­նավետության ազգային համակարգերի հզորացման միջոցով ջերմոցային գազերի արտանետումների նվազեցնելուն:

 

Մարտ 2020 ԵՄ Կայուն էներգիայի մրցույթ 2020-ը ընդունում է հայտեր ԱլԳ երկրների դիմորդներից Կարդալ ավելին
Մարտ 2020 Հրապարակվել է «Հայաստանի Հանրապետության 2018թ. Էներգետիկ հաշվեկշիռ»-ը Կարդալ ավելին
Մարտ 2020 Էներգասպառող սարքերի ԷԱ պարտադիր պահանջների ընդունումն ընթացքում է Կարդալ ավելին
Մարտ 2020 Հայաստանում սելավների ռիսկի կառավարման հիմնախնդիրները ՄԱԶԾ-ԿԿՀ ՀԱԾ ծրագրի ուշադրության կենտրոնում Կարդալ ավելին
Մարտ 2020 Հայաստանում կլիմայի փոփոխության վիճակագրության բարելավման համար մշակված առաջին ճանապարհային քարտեզն ուղենշային կլինի Կարդալ ավելին
Դեկտեմբեր 2011 ԵԱՀ մեկնարկային սեմինար և ղեկավար կոմիտեի նիստ (20 12 2011) Կարդալ ավելին
Մայիս 2016 Հայաստանի երկամյա առաջընթացի առաջին զեկույցը ներկայացվել է ՄԱԿ ԿՓՇԿ քարտուղարությանը Կարդալ ավելին
Սեպտեմբեր 2016 Ներդրումների ռիսկերի նվազեցում և մասշտաբավորում. շենքերի ԷԱ արդիականացում Կարդալ ավելին
Փետրվար 2016 «Էներգախնայող լուսավորությունը տանը և դպրոցում» դասախոսություն և մրցույթ Կարդալ ավելին
Դեկտեմբեր 2015 Ընդունվել է Փարիզի համաձայնագիրը Կարդալ ավելին
Շենքերի էներգաարդյունավետ արդիականացմանն ուղղված ներդրումների ռիսկերի նվազեցում (24)
ԵԱՏՄ երկրներում ԷԱ խթանման կարգավորման դաշտը (27)
Կլիմայի փոփոխության ռիսկերի մեղմում (6)
Չորրորդ ազգային հաղորդագրություն և Երկրորդ երկամյա զեկույց (32)
Շենքերի էներգետիկ արդյունավետության բարձրացում (112)
Անտառների Հարմարվողականություն (59)
Տեխնոլոգիական կարիքների գնահատում (1)
Մեղմման քաղաքականության աջակցություն (2)
Քաղաքային ջեռուցման էներգաարդյունավետություն (55)
Պասիվ արևային ջերմատուն (3)
Քաղաքային ‘կանաչ’ լուսավորություն (46)
Երկամյա առաջընթացի զեկույց (11)
Երրորդ ազգային հաղորդագրություն (52)
Հարմարվողականության ազգային ծրագիր Հայաստանում (13)
ԵՄ կլիմայի համար (7)
Մինչեւ 2012 թ. ավարտված ծրագրեր (0)
Կլիմա-խելացի լուծումներ համայնքների համար (1)
ՄԱԿ ԿՓՇԿ ներքո Հայաստանի երկամյա առաջընթացի երրորդ զեկույց (0)
Վերականգնվող և մաքուր էներգիայի 8-րդ միջազգային կոնֆերանս (0)