«Հարմարվողականության ազգային ծրագիր Հայաստանում» (ՀԱԾ) ՄԱԶԾ-ԿԿՀ ծրագրի շրջանակում մեկնարկել է «Դիմակայենք կլիմայի փոփոխությանը» խորագրով դպրոցականների համար նախատեսված հերթական մրցույթը:

Մրցույթի  նպատակն է բարձրացնել սովորողների իրազեկվածությունը կլիմայի փոփոխության հարմարվողա­կանության վերաբերյալ՝ խրախուսելով նրանց մասնակցությունը կլիմայի փոփոխության դեմ պայքարում:

Մրցույթին կարող են մասնակցել դպրոցներ կամ այլ կրթական կազմակերպություններ (ակումբներ, խմբակներ, ՀԿ-ներ, մասնագիտացված ուսումնական հաստատություններ և այլն)։

Մրցույթին ներկայացված աշխատանքները կարող են ներառել, սակայն, չեն սահմանափակվում կլիմայի փոփոխության հարմարվողականությանը վերաբերող հետևյալ թեմաներով․

• Վտանգավոր եղանակային երևութներին և աղետներին դիմակայում և արձագանքում, համայնքների դիմակայունության բարձրացում,
• Ջրային ռեսուրսների արդյունավետ օգտագործում,
• Մարդու առողջության հետ կապված խնդիրների կանխարգելում,
• Գյուղատնտեսության խոցելիության նվազեցում,
• Անտառների պահպանում, հրդեհների կանխարգելում,
• Էկոտուրիզմի զարգացում
• Բնահեն լուծումների կիրառում
• Կենսաբազմազանության պահպանում։

Մրցույթն անցկացվելու է երեք փուլով.

• 1-ին փուլ. «Դիմակայենք կլիմայի փոփոխությանը» խորագրի ներքո մինչև նոյեմբերի 24-ը իրազեկվածության բարձրացման միջոցառումների իրականացում, հաշվետվության ներկայացում, և էլեկտրոնային հայտի լրացում ։
• 2-րդ փուլ. Իրականացված աշխատանքի առցանց ներկայացում ՝ նոյեմբերի 26-ին, ժամը 14:00-19:00 Zoom հարթակի միջոցով։ Այս փուլ անցնելու մասին տեղեկատվությունը և համապատասխան հղումը մասնակիցները կստանան էլ․փոստի միջոցով։
• 3-րդ փուլ. Եզրափակիչ փուլը տեղի կունենա Երևան քաղաքում դեկտեմբերի 8-ին։

Նոյեմբերի 2-ին, 14:00 ՄԱԶԾ-ԿԿՀ ՀԱԾ ծրագրի փորձագետների հետ կանցկացվի աշխատանքների նախապատրաստման և ձևակերպման վերաբերյալ առցանց խորհրդատվական հանդիպում/քննարկում, որը բաց է բոլոր հետաքրքրվածների համար: Հանդիպմանը կարելի միանալ https://undp.zoom.us/j/84798176734?pwd=TEp1UlhZT2pkTURJaFVsWDNCTmc5QT09 հղումով:

ՄՐՑՈՒՅԹԻ ԿԱՆՈՆԱԿԱՐԳ