Մայիսի 20-22-ին «Հարմարվողականության ազգային ծրագիր Հայաստանում» (ՀԱԾ) ՄԱԶԾ-ԿԿՀ ծրագրի շրջանակում կայացավ «Կլիմայի փոփոխության ազդեցության սոցիալ-տնտեսական գնահատման մոտեցումները» խորագրով սեմինարը: Միջոցառումը նախատեսված էր թիրախային ոլորտների նախարարությունների, ինչպես նաև գիտական հաստատությունների ներկայացուցիչների համար և միտված էր ներկայացնել ու շահագրգիռ կողմերի հետ քննարկել կլիմայական ռիսկերի և հարմարվողական­ության նախագծերի տնտեսական և ֆինանսական գնահատման մոտեցումներն ու մեթոդները։

Եռօրյա սեմինարի ընթացքում մասնակիցները հնարավորություն ստացան ծանոթանալ Հայաստանում կլիմայի փոփոխության միտումներին, կանխատեսումներին, առկա և հնարավոր կլիմայական և կլիմայի փոփոխությամբ պայմանավորված ռիսկերին ու խոցելիություններին, հարմարվողականության ազգային ծրագրի հիմնական դրույթներին և իրականացումն ապահովող միջոցառումներին, գնահատման կիրառվող մեթոդներին, Ֆիզիկական կլիմայական ռիսկի գնահատման,   արդյունքների վերլուծության և կլիմայական տեղեկատվությունը հաշվի առնող պետական ներդրումների պլանավորման մեթոդներին և մոտեցումներին, կլիմա-տնտեսություն մոդելներին, ինչպես նաև գործնական առաջադրանքների ու քննարկումների միջոցով կարողացան ծանոթանալ նաև ստացված գիտելիքների կիրառական հնարավորություններին:

Սեմինարին մասնակցեց Շրջակա միջավայրի, Էկոնոմիկայի, Տարածքային կառավարման և ենթակառուցվածքների, Արտակարգ իրավիճակների, Ֆինանսների, Առողջապահության նախարարությունների, Հայաստանում Ամերիկյան Համալսարանի, Երևանի պետական համալսարանի, ՀՀ պետական կառավարման ակադեմիայի, Հայաստանի պետական տնտեսագիտական համալսարանի, ՀՀ ԱԻ նախարարության ճգնաժամային կառավարման պետական ակադեմիայի, Հայաստանի ազգային ագրարային համալսարանի և ՄԱԶԾ 39 ներկայացուցիչ:

Միջոցառման օրակարգ՝ որոշում կայացնողներ

Միջոցառման օրակարգ՝ գիտական համայնք, ԲՈՒՀ-եր

Ներկայացված նյութերը