2019թ. հուլիսի 18-19-ին Աղվերանում կայացավ երկօրյա աշխատաժողով-դասընթաց նվիրված կլիմայի փոփոխության ոլորտում գենդերային հարցերին: Աշխատաժողովը կազմակերպվել էր «Հարմարվողականության ազգային ծրագիր՝ Հայաստանում միջնաժամկետ և երկարաժամկետ հարմարվողականության պլանավորման  առաջխաղացման համար» և  «Շենքերի էներգա­արդյունավետ արդիականացմանն ուղղված ներդրումների ռիսկերի նվազեցում» ՄԱԶԾ-ԿԿՀ ծրա­գրերի շրջանակում:

Դասընթացի նպատակն էր իրազեկել կլիմայի փոփոխության նկատմամբ խոցելի սեկտորներում գենդերային վերլուծության և պլանավորման մեթոդաբանության և գործիքների վերաբերյալ, որոնք կիրականացվեն ծրագրի փորձագետների, գործընկեր նախարարությունների, տեղական կառավարման մարմինների և ՀԿ-ների կողմից: Սեմինարին մասնակցում էին տարբեր նախարարությունների և հասարակական կազմակերպությունների շուրջ 40 ներկայացուցիչներ: Ողջույնի խոսքով հանդես եկավ  ՄԱԶԾ կլիմայի փոփոխության ծրագրի համակարգող տիկին Դիանա Հարությունյանը: Աշխատանքի և սոցիալական հարցերի փոխնախարար տիկին Ժաննա Անդրեասյանը ներկայացրեց Հայաստանում գենդերային հավասարության հրատապ հիմնախնդիրները և կառավարության կողմից 2019-2023թթ. համար մշակված գենդերային ռազմավարության հիմնական առաջնահերթությունները:

ՄԱԿ-ի Զարգացման ծրագրի գենդերային հարցերով մասնագետ տիկին Բարբորա Գալվանկովան ներկայացրեց գենդերային հավասարության միջազգային շրջանակը, մասնավորապես կենտրոնանալով կլիմայի փոփոխության ոլորտում գենդերային հավասարության վրա:

ՄԱԶԾ գենդերային հարցերով միջազգային խորհրդատու և առաջատար դասընթացավար տիկին Վալենտինա Բոդրուգը անցկացրեց երկօրյա դասընթաց `գենդերային հավասարության, գենդերային մտահղացման, գենդերային փոխակերպման մոտեցման, գենդերային հավասարության, մեթոդաբանությունների վերաբերյալ:  Ներկայացումների շարքին հաջորդեցին գործնական պարապմունքներ աշխատանքային խմբերում, որտեղ մասնակիցներին հանձնարարվեց ներկայացված տեսական գիտելիքները և միջազգային պրակտիկան տեղայնացնել քննարկվող հարցերի հայկական համատեքստում:

Օրակարգ_հայ.

Հայեցակարգ—հայ.