«Կլիմայի փոփոխության պայմաններում ջրային ռեսուրսների կառավարման ոլորտում իրավական, ինստիտուցիոնալ, խոցելիության գնահատման և կլիմայի փոփոխության հարմարվողականության պլանավորման բացերի ու խոչընդոտների բացահայտում և վերլուծում» ուսումնասիրությունն իրականացվել է «Հարմարվողականության ազգային ծրագիր Հայաստանում» (ՀԱԾ) ՄԱԶԾ-ԿԿՀ ծրագրի շրջանակում «Գեոինֆո» ՍՊԸ-ի կողմից:

Ջրային ռեսուրսների արդյունավետ կառավարումը կլիմայի փոփոխությամբ պայմանավորված մարտահրավերներին հարմարվելու, դրանց դիմակայելու և տնտեսության կայուն զարգացումն ապահովելու անհրաժեշտ նախապայմաններից է: Ջրային ոլորտի խոցելիության նվազեցումը և կլիմայի փոփոխության հարմարվողականության միջոցառումների ներդնումն անհրաժեշտ են ջրային ռեսուրսների կառավարման արդյունավետ համակարգի, ինչպես նաև ոլորտի հստակ ու ամբողջական օրենսդրաիրավական կարգավորման ապահովման համար: